Veahkaválddálašvuohta lea duođalaš servvodathástalus – maiddái sámi servvodagain. SAMINOR II iskkadeapmi čájeha ahte oallut sámi nissonat vásihit veahkaválddálašvuođa. Ođđa dutkan čájeha maid ahte sámi nissonat dávjjibut vásihit veahkaválddálašvuođa beallelaččas go eará nissonat. Ráđđehus almmuhii gieskat doaibmaplána eastadit veahkaválddálašvuođa lagas birrasiin, Veahkaválddehisvuođa čađaheapmi. Doaibmaplánas leat máŋggat doaibmabijut eastadit ja bissehit veahkaválddálašvuođa sámi servvodagas ja plána lea ráhkaduvvon ovttasráđiid Sámedikkiin.
Movt sáhttit buorebut eastadit ja bissehit veahkaválddálašvuođa lagas birrasiin sámi servvodagain? Maid mii diehtit das man olu dat dáhpáhuvvá ja manne dat dáhpáhuvvá? Ja mii lea boahtte lávki dán doaibmaplánas? Eai gávdno oanehis ja álkes vástádusat dáidda jearaldagaide, danne čohkke Norgga olmmošvuoigatvuohta-ásahus (NIM) soames guovddáš aktevrraid ja berošteddjiid digaštallat dán fátta ja dáid gažaldagaid. Bures boahtin seminárii Diehtosiiddas čakčamánu 16. beaivvi dii. 13.00.
Prográmma:
- 13.00 Bures boahtin, NIM stivrajođiheaddji Marit Berger Røsland
- 13.05 Veahkaválddehisvuođa čađaheapmi sámi servvodagain, sámediggepresideanta Aili Keskitalo
- 13.20 Máhttostáhtus SAMINOR II maŋŋel, UiT Norgga árktalaš universitehta dutki Astrid M.A. Eriksen
- 13.40 Divttasvuonaášši vásáhusat, Árran direktevra Lars Magne Andreassen
- 13.55 Gáfeboddu
- 14.15 Easttadeapmi ja dutkan, Finnmárkku politiijameasttir Ellen Katrine Hætta
- 14.30 Veahkaválddálašvuohta lagas birrasiin – olmmošvuoigatvuođahástalus, NIM ráđđeaddi Mina Haugen
- 14.45 Panelaságastallan, sátnejođiheaddji NIM guovllukantuvrra jođiheaddji Johan Strömgren
- 15.15 Loahpaheapmi, NIM direktevra Adele Matheson Mestad
Praktihkalaš dieđut
Seminárabáiki: Sáhkaskáidi (auditoria) Diehtosiiddas, Hánnoluohkká 45, 9520 Guovdageaidnu
Seminára filbmejuvvo. Filbma almmuhuvvo NIM neahttakanálain.
Seminára dulkojuvvo davvisámegillii/dárogillii.