NIM lea oassin ovttasbargguin GANHRI-ain (Global Alliance of National Rights Institutions) aitto álggahan ođđa bargojoavkku mii galgá nannet álgoálbmogiid vuoigatvuođaid.
Dán váhkku NIM ja GANRHI čađáhedje fierpmádagá vuosttaš čoahkkima. Badjelaš 20 ásahusa buot máilmmiosiin serve. Bargojoavkku ulbmil lea ráhkadit vuođu gos sáhttá juogadit máhtolašvuođa ja vásáhusaid eará miellahtuiguin geat barget eamiálbmogiid olmmošvuoigatvuođaiguin. Bargojoavku áigu earret eará ovddidit dieđuid ja ressursaid juohkima, gávnnahit vejolašvuođaid kapasitehta hukset, ovttastahttit oktasaš doaimmaid ja prošeavttaid, ja čoahkis searvat riikkaidgaskasaš foraide ja proseassaide, nu go ON álgoálbmogiid bistevaš forumii, ja ON álgoálbmotvuoigatvuođaid áššedovdimekanismii.
NIM sávvat ahte dát álgga lea dehálaš lávki dan vuostá ahte oainnusmahttit álgoálbmogiid vuoigatvuođaid GANHRI riikkaidgaskasaš barggus. Mii illudit oažžut mávssolaš vásáhuslonohallama iežamet ovttasbargoguimmiiguin ovddasguvlui.